Rusiya müdafiə Nazirliyi yeni məlumat yaydı
Ukraynada 34 hərbi obyekt məhv edilib
Rusiya Müdafiə Nazirliyi Ukrayna ordusuna qarşı sarsıdıcı zərbələr endirməkə davam etdiyini bildirib.
SəhərAzəri-nin məlumatına əsasən, Rusiya Müdafiə Nazirliyinin rəsmi nümayəndəsi general-mayor İqor Konaşenkov bu haqda bəyan edib ki, Rusiyanın operativ-taktiki aviasiyası gün ərzində Ukraynada 34 hərbi obyekti məhv edib.
General qeyd edib ki, məhv edilən obyektlər arasında artilleriya batareyası, hərbi təchizat anbarları və hərbi texnika da yer alır.
Bu arada müharibənin 43-cü günü üçün Rusiya Ukraynanın itkilərini yeniləyib. İddia olunur ki, xüsusi hərbi əməliyyat başlayandan bu günə kimi 125 təyyarə, 93 helikopter, 413 pilotsuz uçuş aparatı, 227 zenit-raket kompleksi, 1987 tank və digər zirehli döyüş texnikası, 218 reaktiv yaylım atəşi sistemi, 866 səhra artilleriyası və minaatanları, həmçinin 1894 ədəd xüsusi hərbi maşın məhv edilib.
