Ukraynada ABŞ-Rusiya müharibəsi
ABŞ Ukraynaya 2,4 milyard dollar həcmində silah verib
Amerika Birləşmiş Ştatları Ukraynaya 1400-dən çox hava hücumundan müdafiə sistemi, 5000-dən çox “Javelin” tank əleyhinə raket kompleksi və yüzlərlə “Switchblade” mərmiləri tədarük edib.
SəhərAzəri-nin bildirdiyinə görə, Ağ Evin yaydığı məlumatda deyilir ki,mart ayında ABŞ Prezidenti Co Bayden tərəfindən təsdiqlənmiş iki hərbi yardım paketini nəzərdə tutan bütün tank əleyhinə və hava hücumundan müdafiə sistemləri çatdırılıb.
Qeyd olunur ki, fevralın 24-dən ABŞ-ın Ukraynaya hərbi yardımının ümumi həcmi 1,7 milyard dollar, 2021-ci ilin yanvarından isə 2,4 milyard dollar həcmində qiymətləndirilir.
Bundan əvvəl Ağ Evin sözçüsü Cen Psaki bildirmişdi ki, Ukrayna qüvvələri ABŞ və müttəfiqlərinin köməyi sayəsində hər bir rus tankı üçün 90 tank əleyhinə sistemə malikdir.
Digər tərəfdən ABŞ-ın müdafiə naziri Lloyd Ostin ilk dəfə açıq şəkildə bəyan edib ki, ABŞ Ukrayna Silahlı Qüvvələrinə Donbasda əməliyyatlar aparmaq üçün kəşfiyyat məlumatları təqdim edir.
Lloyd Ostin ABŞ Senatının Silahlı Qüvvələr Komitəsində çıxışı zamanı bunu deyib.
