2 raketin Polşa ərazisinə düşməsinə reaksiyalar davam edir
Rusiyaya mənsub edilən 2 raketin Polşa ərazisinə düşməsi müxtəlif reaksiyalarla qarşılanıb.
SəhərAzəri-nin məlumatına əsasən, Polşanın "ZET" radiosu çərşənbə axşamı iddia edib ki, 2 rus raketi Polşanın şərqində, Ukrayna ilə sərhəddə yerləşən Lubelski Voyevodalığı regionundakı Pşevoduv kəndinə düşüb.
"ZET" radiosu bu ərazilərə düşən raketlərin 2 nəfərin ölümünə səbəb olduğunu bildirib.
Polşanın xarici işlər naziri Zbiqnev Rao çərşənbə günü Rusiyanın Varşavadakı səfiri Sergey Andreyevi izahat üçün Polşanın Xarici İşlər Nazirliyinə çağırıb.
Eyni zamanda, Rusiya Müdafiə Nazirliyi Polşa raketlərinin Polşa ərazisinə düşdüyünü təkzib edərək, bu cür xəbərləri "vəziyyəti gərginləşdirməyə yönəlmiş qəsdən təxribat" kimi xarakterizə edib.
Rusiya Müdafiə Nazirliyi bildirib ki, Ukrayna və Polşa sərhədi yaxınlığındakı mövqelərə Rusiya qüvvələri tərəfindən heç bir hücum edilməyib.
Polşa prezidentinin rəsmi sözçüsü Piotr Muller də deyib ki, ölkəsi NATO Nizamnaməsinin 4-cü maddəsinin tətbiqini nəzərdən keçirir.
Hərbi alyansın təsis müqaviləsinin 4-cü maddəsinə əsasən, üzvlərdən hər hansı birinin fikrincə, ərazi bütövlüyü, siyasi müstəqilliyi və ya təhlükəsizliyi təhdid edildiyi zaman tərəflər birgə məsləhətləşmələr aparacaqlar.
