Putindən xəbərdarlıq:
“Ukraynanın NATO-ya üzvlüyü Rusiyanın təhlükəsizliyinə təhdid yaradacaq”
İyul 14, 2023 12:09 Asia/Baku
Rusiya prezidenti bəyan edib ki, NATO-ya üzvlük Ukraynanın özünün təhlükəsizliyini artırmayacaq.
Rusiya dövlət başçısı Vladimir Putin birinci Gələcək Texnologiyalar Forumunda çıxışı zamanı vurğulayıb ki, Ukraynanın NATO-ya mümkün üzvlüyü cəhdi hərbi müdaxilənin başlamasının səbəblərindən biri idi.
Onun sözlərinə görə, Rusiya Federasiyası Ukrayna ilə sülhə dair İstanbul müqaviləsi layihəsini ümumən məqbul hesab edirdi.
O, bildirib ki, Ukraynanın öz təhlükəsizliyini təmin etmək hüququ var, lakin bunu Rusiyaya təhlükə yaratmaq hesabına etməməlidir.
Öz növbəsində Kremlin mətbuat katibi Dmitri Peskov deyib ki, Ukraynanın NATO-ya üzvlüyü Avropanın onsuz da bərbad vəziyyətdə olan təhlükəsizlik arxitekturası üçün çox mənfi nəticələrə səbəb olacaq.
