Putin Ukraynaya F-16 qırıcıları göndərməsinə görə, Qərbi tənqid edib
Sen 12, 2023 18:05 Asia/Baku
Rusiya prezidenti Qərb ölkələri tərəfindən Kiyevə F-16 qırıcılarının göndərilməsini tənqid edib.
Vladimir Putin bu gün Rusiyanın Uzaq Şərq bölgəsində keçirilən iqtisadi forumda bildiribdir ki, Ukraynada müharibə bəhanəsilə Qərb ölkələri tərəfindən bu ölkəyə F-16 qırıcılarının göndərilməsi, yalnız Ukrayna müharibəsini daha da uzadacaq.
Ukrayna rəsmiləri son zamanlar deyiblər ki, bu ölkənin silahlı qüvvələri tezliklə öz qərbli müttəfiqlərindən F-16 qırıcıları alacaqlar.
Ukrayna prezidenti Vladimir Zelenski uzun müddətdir, Kiyevə F-16 qırıcıları vermələri üçün öz qərbli müttəfiqlərini təzyiq altında qoyub, amma hələ bu təyyarələrin təmini barədə bir qərar çıxarılmayıbdır.
