Rusiyanın BMT-dəki səfiri Amerikanın təxribatlarından danışdı
“ABŞ Yaxın Şərqə xaos və dağıntı toxumu səpir”
Fev 06, 2024 13:09 Asia/Baku
Rusiyanın BMT-dəki daimi nümayəndəsi Birləşmiş Ştatları Yaxın Şərq regionunu xaosa sürükləməkdə ittiham edib.
Vasili Nebenzya Təhlükəsizlik Şurasının iclasında deyib: “ABŞ və müttəfiqləri Livan, Qırmızı Dəniz və Yəmənə zorakılıq yayır və Yaxın Şərqdə sülhü bərpa etmək üçün beynəlxalq səylərin qarşısını alır”.
Rus səfir bildirib ki, ABŞ-ın bu hücumları güc nümayiş etdirmək və seçkiqabağı kampaniyada ABŞ hökumətinin imicini yaxşılaşdırmaq məqsədi ilə həyata keçirilib.
Həmçinin o, ABŞ-ı beynəlxalq hüququ pozmaqda və Yaxın Şərqə xaos və dağıntı toxumu səpməkdə ittiham edib.
