Zelenski:
Trampla sövdələşməyə hazıram
Ukrayna prezidenti Volodimir Zelenski ABŞ-a təhlükəsizlik zəmanəti müqabilində Ukraynanın mineral ehtiyatlarının birgə işlənməsi üzrə qarşılıqlı faydalı əməkdaşlıq təklif edərək, deyib: "Trampla sövdələşməyə hazıram".
Volodimir Zelenski bir müsahibədə Rusiya ilə müharibəyə son qoymaq üçün istənilən həll yolunun bir hissəsi kimi Ukrayna üçün təhlükəsizlik zəmanətinin lazım olduğunu bəyan edərək, deyib: "Əgər sövdələşmədən danışırıqsa, onda gəlin razılaşaq, hamımız bunun tərəfdarıyıq".
Zelenski aydınlaşdırıb ki, Kiyev öz təbii resusrslarını Vaşinqtona pulsuz təhvil vermək niyyətində deyil, onların birgə işlənməsinə dair qarşılıqlı faydalı əməkdaşlıq etməyi təklif edir.
"Bizə ən çox kömək edən amerikalılar olub, ona görə də ən çox qazanan amerikalılar olmalıdır. Və onlar prioritet olmalıdır və mən bununla bağlı Trampla müzakirə etmək istəyirəm", - deyə Zelenski əlavə edib.
Bundan əlavə, Zelenski Kiyev və Vaşinqtonun ABŞ-ın mayeləşdirilmiş təbii qazını yəni LNG-ni saxlamaq üçün Ukraynanın yeraltı qaz anbarlarından istifadə etmək ideyasını müzakirə ediklərini bildirərək, deyib: "Biz hazırıq və Ukraynaya LNG tədarükü üçün ABŞ-la müqavilələr bağlamaq istəyirik. Və təbii ki, biz bütün Avropa üçün mərkəz olacağıq".
