Marin Le Pen Fransanın növbəti seçkisinə namizədlikdən məhrum oldu
Fransada qatı sağyönümlü milli siyasi partiya olan "Milli Cəbhə"nin lideri Mari Le Pen, Avropa Birliyinin əmlakı ilə bağlı korrupsiya işində müqəssir sayılıb. Məhkəmə hökmünə əsasən, o, 2027-ci il Fransa prezident seçkilərinə namizəd ola bilməz.
Hökmün verilməsindən sonra Marin Le Pen, heç bir izahat vermədən məhkəməni tərk edib.Parisdəki bir məhkəmə Fransada ifratçı sağyönümlü "Milli Cəbhə" partiyasının lideri Marin Le Peni Avropa Parlamentində nümayəndə olduğu zaman Avropa Birliyinin ümumi əmlakı ilə bağlı korrupsiya işində müqəssir sayıb.
Hakimin dediyinə görə, məhkəmə qərarı elə indidən icra olunur. Nəticə etibarı ilə, o, 2027-ci ildə Fransada keçiriləcək prezident seçkilərinə namizəd ola bilməz.Məhkəmə Le Pen-i həm də iki il müddətinə şərti cəzaya, iki il də ayağına elektron qandalın vurulması cəzasına məhkum edib.Bu hökmdən əlavə, Le Pen əleyhinə yüz min avrodan çox nağd cərimənin ödənilməsi haqda qərar çıxarılıb.
Baş prokurorluq Le Pen üçün beş il həbs, nağd cəza və dövlət vəzifələrinə seçilmək haqqından beş il müddətinə məhrumedilmə tələb etmişdi. Sonuncu qərar elə indidən icra edilməkdədir.Məhkəmənin təxmininə əsasən, korrupsiya məbləği, dörd milyon avrodan çoxdur. Korrupsiya, on iki il ərzində həyata keçirilib.Məhkəmə sədri Marin Le Pen-i Avropa Birliyinin ümumi xərcindən 474 min avronu mənimsəməkdə müqəssir bilib.
Le Pen-ə və onun köməkçilərinə vurulan əsas ittiham bundan ibarətdir ki, onlar Avropa Parlamentinin büdcəsindən iri miqdarda pul götürüb, onu "Milli Cəbhə" partiyasındakı yoldaşlarına ödəniş ediblər.
Müttəhimlər bu ittihamı rədd etsələr də, hakim Le Penin və bu işlə bağlı digər müttəhimlərin müqəssir olmalarına qane olubdur.Hazırda Fransa parlamentində "Milli Cəbhə" partiyası fraksiyasının sədri olan Le Pen, Avropa Parlamentində nümayəndə olarkən qanunlara zidd olaraq, özünün dörd parlament asistentini şəxsi cangüdən və şəxsi asistent kimi vəzifələri dairəsində olmayan postlara təyin etməkdə məhkum olunub.
