Ukrayna dilemma qarşısında:
Trampın təklif etdiyi “sülh planı” həyata keçirilə bilməz
Noy 22, 2025 16:21 Asia/Baku
Ukrayna hökuməti çətin seçim qarşısındadır. Trampın dırnaqarası sülh planı rədd edilə bilər.
Ukraynanın xarici işlər naziri Andrey Sibiqa Avropa İttifaqı nazirlərinə bildirib ki, Trampın təklif etdiyi sülh planı Rusiyanın tətbiq etdiyi şərtləri açıq şəkildə əks etdirir; bu plan həyata keçirilə bilməz.
Onun sözlərinə görə, Rusiyanı sakitləşdirməyə əsaslanan hər hansı bir razılaşma qəbuledilməzdir və həm Ukrayna, həm də Avropa üçün daha çox müharibəyə və zorakılığa səbəb olacaq.
Milli Təhlükəsizlik və Müdafiə Şurasının katibi Rüstəm Umerov da bu gün bildirib ki, suverenlik, insan təhlükəsizliyi və Ukraynanın qırmızı xətləri çərçivəsindən kənarda heç bir həll yolu mövcud deyil və mövcud ola bilməz.
