SAHAR

Amerikada silahlı insidentlər yenə də can aldı və "Xatirə" adlanan istirahət günlərində ən azı 9 nəfər həlak olub, onlarla nəfər də yaralanıb.

Səhər Beynəlxalq Televiziyasının Çikaqo NBC xəbər telekanalına istinadla verdiyi məlumata görə, Çikaqoda "Xatirə" adlanan istirahət günlərində ayrı-ayrı silahlı insidentlər 9 nəfərin həlak olması və 34 nəfərin yaralanması ilə nəticələnib.
Cümə günü Vest Enqlovd bölgəsində silahlı insidentdə 4 yaşlı bir qız da baş nahiyəsindən hədəfə alınıb və yaralanıb.
Həmçinin 17 yaşlı oğlan və 15 yaşlı bir qız da həmin hadisədə yaralanıb və xəstəxanaya köçülürüb.
Şənbə günü 34 yaşlı bir kişi silahlı insidentə tuş gəlib və eyvanda istirahət edərkən güllənin hədəfinə çevrilib və həlak olub.
Polis bildirib ki, bu hadisə yerli vaxtla 1:45 radələrində baş verib.
Bu hadisədən bir az sonra isə 20 yaşlı bir oğlan qanlı hadisənin qurbanı olub. O gecə saat 2:10 radələrində silaha tuş gəlib və həlak olub.
Daha bir 24 yaşlı gənc isə şənbə günü günortadan sonra Asten bölgəsində baş nahiyəsindən hədəfə alınıb və Mont Sina xəstəxanasına köçürülməsinə baxmayaraq, xəstəxanada keçinib.
Təxminən 11 saat sonra üz nahiyəsindən güllə ilə vurulan 20-30 yaşlar arasında bir kişinin cəsədi tapılıb. Çikaqonun müxtəlif bölgələrində qısa zaman ərzində bir neçə nəfərin cəsədi tapılıb.
Yeni araşdırmaların nəticələrinə əsasən, Amerika xəstəxanalarında ildə silahlı insident nəticəsində yaralanan təxminən 500 uşaq və yeniyetmə dünyasını dəyişir. Bu rəqəm ötən bir dekadada təxminən 60% artmışdır.
Həmçinin hər ildə 7500 uşaq silahlı insidentlərə görə xəstəxanalara köçürülür. Bu rəqəm 1997-2009-cu illər arasında yüz faizdən çox artmışdır.
Yuxarıdakı göstəricilər Florida ştatında Uşaq mütəxəssisləri Amerika Akademiyasının konfransında Boston şəhərinin iki həkimi tərəfindən təqdim olunan araşdırmanın nəticələridir.
Son illər ərzində Amerikada silahlı qarşıdurmalar bu ölkənin yüksək səviyyəli rəsmilərinin əsas problemlərindən birinə çevrilmişdir.