SAHAR

ABŞ-ın quru qüvvələr komandanlığı mərkəzinin komandanı bu mərkəz tərəfindən Qazaxıstanın hərbi qüvvələrinin yeni nəslinin hazırlandığını bildirib.

Səhər Beynəlxalq Televiziyasının Zekun Kez İnformasiya Agentliyinə istinadla verdiyi məlumata görə, Roni Kelli Astanada Qazaxıstan Silahlı Qüvvələrinin konfransında deyib: İki ölkənin son anlaşmalarına əsasən, tezliklə Amerikanın hərbi mütəxəssisləri Qazaxıstanın hərbi qüvvələrinə təlim keçməyə başlayacaqlar.
Roni Kelli əlavə edib: Hərbçilərə təlim proqramı Qazaxıstan ordusunun yeni nəsil zabitlərinin hazırlanması istiqamətində nəzərdə tutulub. Belə ki, anlaşmalara əsasən, onlar Amerikaya ezam olunacaqlar.
Roni Kelli Qazaxıstan Müdafiə Nazirliyinin rəsmi dəvəti ilə bu ölkənin Silahlı Qüvvələrinin Zabitlər Heyətinin konfransında iştirak etmək üçün Astanaya səfər edib.