Avropa ölkələrində yaşayış xərclərinin artması, ictimai xidmətlərin vəziyyəti və məcburi hərbi xidmətin bərpası ilə bağlı kütləvi etirazlar Almaniyanın Frankfurt şəhərində qarşıdurma və mağazaların qarət edilməsi ilə nəticələnib.

"NBC News"un məlumatına görə, Almaniyanın Berlin və Frankfurt da daxil olmaqla 30-dan çox şəhərində on minlərlə insan etiraz aksiyalarında iştirak edib. Frankfurtda keçirilən aksiyalar zorakılıqla müşayiət olunub və bəzi etirazçılar mağazalara basqın edərək, onları qarət ediblər.Etirazların əhatə dairəsi digər Avropa ölkələrinə, o cümlədən Fransa, İtaliya, İspaniya, Serbiya, Portuqaliya və İsveçrəyə də yayılıb. Fransada şənbə günü keçirilən aksiyalarda 320 min nəfər iştirak edib; İtaliyada isə hökumət Milan şəhərində polis qüvvələri ilə yanaşı, 500 hərbçinin yerləşdiriləcəyini bildirib. Eyni zamanda, Portuqaliyanın Lissabon şəhərində polis dəyənək və qalxanlardan istifadə edərək, mənzil xərclərinin artmasına etiraz edən fəalların düşərgəsini dağıdıb.