SAHAR

Rusiyanın Omsk şəhərində hava-desant qüvvələrinin kazarmasında baş vermiş uçqun zamanı ölənlərin sayı 20-yə çatıb, dağıntıların altından 39 hərbçi çıxarılıb. Qeyd olunur ki, 19 nəfər xəstəxanaya yerləşdirilib. Bundan başqa, mütəxəssislər daha üç hərbçinin axtarışlarını davam etdirirlər.

Səhər telekanalı xəbər verir ki, bu barədə “RİA Novosti”yə Rusiyanın Müdafiə Nazirliyindən məlumat verilib.
Qeyd edək ki, Omsk vilayətində kazarmanın uçması faktı ilə bağlı cinayət işi qaldırılıb.
Rusiya müdafiə naziri Sergey Şoyqu uçmuş kazarmanın yaxınlığında olan təmir olunmuş binaları yoxlamağı tapşırıb.