Macarıstanda bir telekanalın operatoru miqrantlarla kobud rəftara görə işdən qovulub.

Səhər Beynəlxalq Televiziyasının Euronews telekanalına istinadla verdiyi məlumata görə, Macarıstanda miqrantların böhranı ilə yanaşı N 1 telekanalının qadın operatoru gərginlik yaradıb.


İnternet telekanalı olan və ifrat sağçı Yubik partiyasına yaxın N 1 telekanalı öz jurnalistini miqrantlarla bağlı reportaj hazırlamaq üçün sərhədə ezam edibmiş.


Bu telekanalın opratoru qucağında uşaq olan bir miqranta təpik atıb. Az sonra o digər miqrantlara da hücum edib.


Operatorun bu rəftarı reportaj heyətinin rəhbəri tərəfindən qəbuledilməz adlandırılıb.


Bu hərəkətin ardınca N 1 telekanalı operatoru işdən çıxarıb.