Fransanın İl De Frans əyalətində yerləşən Şampini Sur Mern şəhərində İŞİD-ə qoşulmaqda ittiham edilən bir qrup həbsə məhkum edilib.

Le Fiqaro qəzetinin internet səhifəsində yer alan məlumata görə, Paris məhkəməsi çərşənbə axşamı Şampini Sur Mern şəhərindəki 12 müttəhimi İŞİD-ə qoşulmaqda ittiham edərək, 3 ildən 10 ilə qədər azadlıqdan məhrum edib. Bu müttəhimlər 2013-cü ilin avqust ayında Parisin ətrafında yerləşən Val De Marn şəhərindən Suriyaya gediblər. Müttəhimlərin çoxu hazırda Suriyadadırlar və onların barəsində qiyabi hökm çıxarılıb.

2011-ci ildə Suriyada böhranın başlanması ilə Fransa və bəzi digər Avropa ölkələri terrorçu qruplaşmalara xüsusi ilə də İŞİD-ə silah və təchizat göndərməklə, terrorçuların güclənməsinə səbəb olublar. Qərb dövlətləri Suriyada cərəyan edən hadisələrə görə sadəcə bu ölkə prezidenti Bəşşar Əsədin məsuliyyət daşıdığını iddia edirlər.