Nyu-York müsəlmanlarının rəhbəri Amerikada prezidentliyə respublikaçı namizəd Donald Trampın müsəlmanlar əleyhinə səsləndirdiyi fikirləri dünən Nyu-Yorkda 2 müsəlmanın qətlə yetirilməsi amili adlandırıb.

İRİB-nin verdiyi məlumata görə, Seyid Zəhir Həsən Nəqəvi bazar günü Nyu-Yorkda Fürqan məscidinin önündə müsəlmanlar qarşısında etdiyi çıxış zamanı deyib: Donald Trampın müsəlmanlar əleyhinə səsləndirdiyi fikirlər müsəlmanlar üçün çox çətin bir şərait yaradıb.

Nyu-York müsəlmanlarının rəhbəri müsəlmanlar əleyhinə səsləndirilən fikirlərin Nyu-Yorkda bir məscidin imam camaatı olan Əlaəddin Akuncinin və onun yanında olan Səraməddinin qətlə yetirilməsinə səbəb olan amillərdən adlandırıb.

ABŞ müsəlmanları Nyu-York şəhərində, Kuinz məntəqəsində aksiya keçirərək, imam camaatın qətlə yetirilməsinə etiraz ediblər. Aksiya iştirakçıları cinayətkarların cəzalandırılmasını istəyiblər.

Nyu-York məscidlərindən birində imam camaat olan Əlaəddin Akunci şənbə günü yanında olan bir şəxs ilə birlikdə silahlı hücuma məruz qalıb. Bu hadisədə hər iki şəxs qətlə yetirilib.

Nyu-York polisi bu hadisə ilə əlaqədar bir şübhəlinin saxlanıldığını və istintaqın davam etdiyini bildirib.