Türkiyənin xarici işlər naziri Mövlud Çavuşoğlu bildirib ki, dünən terror edilmiş Rusiyanın Ankaradakı səfiri Andrey Karlovun xatirəsini anmaq məqsədilə bu şəhərdəki küçələrdən birinə onun adı veriləcək.

ILNA-nın məlumatına görə, Türkiyənin xarici işlər naziri deyib ki, ekspertlər şəffaf şəkildə bu hücumu izləyəcəklər. Onun sözlərinə görə, bu terrorda məqsəd, Rusiya-Türkiyə əlaqələrini sərtləşdirmək olub və hər iki tərəf bu fitnədən agah olubdur.

Çavuşoğlu əlavə edib: Bu hücumda məsuliyyət daşıyan şəxslər qəti şəkildə onun əvəzini ödəyəcəklər.

Rusiyanın Türkiyədəki səfiri dünən günortadan sonra Ankarada bir foto-sərgidən baxış keçirərkən Türkiyənin təhlükəsizlik başçılarının dediklərinə görə, bu şəhərin polis qüvvələrindən olan silahlı bir şəxs tərəfindən odlu silahla qətlə yetirilib. 

Rusiyanın səfirindən əlavə, başqa 3 nəfər də bu hadisədə yaralanıb.