Türkiyə prezidenti Rəcəb Tayyib Ərdoğan Ankaradakı xarici ölkə səfirlərinin illik iclasında deyib: Qərb ölkələrində genişlənməkdə olan İslam ilə düşmənçilik atmosferinə diqqət göstərmək lazımdır.

Əl-Cəzirə informasiya kanalının verdiyi məlumata görə, Ərdoğan deyib: İslam ölkələri Qərb ölkələrində yaşayan müsəlmanları himayə etmək üçün bir-biriləri ilə əməkdaşlıq etməlidirlər. Xarici ölkələrdə  yaşayan türkiyəlilər özlərinə qarşı düşmənçilikdən habelə, Qərbdə İslama qarşı yaradılmış nifrət atmosferindən əziyyət çəkirlər. Qərbdə genişlənməkdə olan mədəni irqçilik və rasizm bu ölkələrdə müsəlmanların təhlükəsizliyini təhdid edir və onlarda ciddi narahatlıq doğurur.

Türkiyə prezidenti həmçinin deyib: Bəzi Qərb siyasətçiləri İŞİD qruplaşmasından İslam dininin simasını ləkələmək üçün istifadə edirlər. Bu isə odla oynamaq deməkdir.