Əfqanıstanın Ləşkərgah şəhərində kamikadze hücumunda bir qrup sivil və hərbçi həlak olub.

İRİB-in məlumatına görə, Helmənd vilayəti meriyasının sözçüsü Ömər Zəvak bildirib: Ləşkərgah şəhərində bir bank kənarında terror aktı nəticəsində azı 8 nəfər həlak olub, 20 nəfər də yaralanıb. Terrorçu öz maaşlarını almaq üçün yerli bankın kənarına toplaşan təhlükəsizlik qüvvələrinin yanında üzərindəki partlayıcı kəməri işə salıb. Nəticədə 8 nəfər həlak olub, 20 nəfər də yaralanıb.

Helmənd vilayəti son bir neçə ildə dövlət qüvvələri ilə Taliban ünsürləri arasında güclü qarşıdurmaların şahidi olmuşdur.