ABŞ prezidenti icra xarakterli iki fərman imzalayaraq, büdcə kəsrinin azaldılmasına çalışıb.

CNN telekanalının verdiyi məlumata görə, Donald Tramp cümə günü ABŞ-ın ticarət kəsrini azaltmaq üçün icra xarakteri daşıyan 2 fərman imzalayıb. Əsas məqsəd milli istehsalı himayə etmək və ucuz qiymətə olan xarici məhsulların ölkəyə girişini önləmək olub. 

Tramp Ağ Evdə, yeni fərmanların imzalanması mərasimində deyib: Xarici məhsulların idxalına iri vergilər tətbiq ediləcək və qanunu pozanlar ilə ən ağır şəkildə rəftar ediləcək. 

Analitiklər Trampın bu iki qərarının ABŞ-ın ticarət şərikləri ilə əlaqələrində dönüş nöqtəsi ola biləcəyinə inanırlar.