Türkiyə prezidenti deyib: Türkiyə Amerika, Rusiya və İraq Kürdüstanına İraq və Suriyaya hava hücumları barədə öncədən məlumat verib.

Amerikanın Dövlət Departamentinin sözçüsü Mark Tuner isə bildirib ki, Vaşinqton Türkiyənin ABŞ-ın Suriya və İraqdakı kürd müttəfiqlərinin mövqelərinə qarşı hücumundan nigarandır. 

Kürd yaraqlıların bildirdiklərinə görə bazar ertəsi və çərşənbə axşamı Türkiyənin Suriya və İraqdakı kürdlərin mövqelərinə qarşı hava hücumlarında 20 kürd yaraqlısı ölüb.

İRİB-in verdiyi məlumata görə, Türkiyə prezidenti Rəcəb Təyyib Ərdoğan bu gün Röyters xəbər agentliyinə verdiyi müsahibədə deyib: Türkiyənin Səncara və Suriyanın şimalına qarşı hava hücumları sonuncu terrorçunun məhv edilməsinədək davam etdiriləcək. 

Ərdoğan deyib: Türkiyə İraqın Səncar şəhərinin PKK qərargahına çevrilməsinə imkan verməyəcək. 

Türkiyə prezidenti həmçinin bildirib ki, Rusiya, Amerika, Türkiyə, İran, Səudiyyə Ərəbistanı və Qətər Suriya böhranının həlli istiqamətində fəal rola malikdirlər. 

Ərdoğan eyni zamanda iddia edib ki, Suriya böhranı üçün həll yolu tapılması, Bəşar Əsədin hakimiyyətdə qalacağı təqdirdə mümkün deyil və ilk növbədə bu ölkəni Bəşar Əsəddən azad etmək sonra siyasi həll yolunu düşünmək lazımdır.