Sionist rejimə qarşı çıxan və Fələstin tərəfdarı olan İngiltərə tələbələri sionist rejimin Londondakı səfirinin bu şəhərdəki bir universitetdə etdiyi çıxışına etiraz ediblər.

Press TV-nin məlumatına görə, dünən əllərində, üzərlərində sionist rejimə qarşı şüarlar yazılmış plakatlar və Fələstin bayrağını tutmuş yüzlərlə ingilis tələbə sionist rejimin Londondakı səfiri Mark Regevin çıxış etdiyi məkanda etiraz aksiyası keçirib.

Etirazçı tələbələr həmçinin universitet rəhbərliyinin sionist rejimin Londondakı səfiri Mark Regevi Şərq və Afrika Araşdırmalar Məktəbinə dəvət etmək barədəki qərarından narazılıq ediblər.

Şərq və Afrika Araşdırmalar Məktəbinin müəllimlərindən olan Jonathan Rosenhead İngiltərə dövlətinin sionist rejimin hərəkətlərini himayə etməsini qəbuledilməz adlandırıb.

Təl-Əvivin işğal olunmuş ərazilərdə və Qəzzə zolağındakı ayrı-seçkilik siyasətlərinin davam etməsilə bütün dünyada anti-sionist təmayülləri artıbdır.