Bazar ertəsi günü Moskva və Sank Peterburqda hökumət əleyhinə etiraz aksiyası zamanı polis tərəfindən saxlanılanlar olub.

"Exo" radiosunun verdiyi  məlumata görə, bazar ertəsi günü Moskva və Sank Peterburqda "Müstəqillik Günü" münasibəti ilə təşkil edilmiş etiraz aksiyalarında təqribən 200 nəfər polis tərəfindən saxlanılıb. 

Rusiyanın RBK telekanalı isə saxlanılanların sayını 400 nəfər elan edb. 

Moskva və Sank Peterburqda keçirilən etiraz aksiyasında 2000 nəfərin iştirak etdiyi bildirilir. 

Bu məlumata görə, sağçı partiya rəhbərlərindən olan İlya Yaşin və tanınmış bloqqer Aleksey Navalnı bazar ertəsi günü polis tərəfindən saxlanılan aksiya iştirakçılarındandırlar.