Kanada aborigenləri müstəqillik günü ilə bir vaxtda ölkənin müxtəlif şəhərlərində aksiyalar keçiriblər.

CBC telekanalının verdiyi məlumata görə, Kanadanın müstəqilliyinin 150-ci ildönümü mərasimləri ilə bir vaxtda şənbə günü ölkənin müxtəlif şəhərlərində aborigenlər və ictimai fəallar aksiyalar təşkil edərək, bu ölkənin həqiqi sahiblərinin repressiya edilməsinə və ağ dərililərin müstəmləkəçilik dövründən qalan haqsızlıqlara etiraz ediblər. 

Aksiya iştirakçıları həmçinin, Kanada aborigenlərinin iqtisadi və ictimai vəziyyəti habelə, məişət problemlərinin diqqətə alınmasını istəyiblər. 

Bu etiraz aksiyalarında Kanada aborigenlərinin repressiya edilməsində Britaniyanın müstəmləkəçi rolu tənqid edilib.