SAHAR

Suriya böhranı üçün siyasi həll yolunun tapılması istiqamətində İran, Rusiya və Türkiyənin vasitəçiliyi ilə Suriya dövləti və silahlı müxalifləri müzakirə etmək üçün bir daha Astanada bir araya gəliblər.

İRNA-nın verdiyi məlumata görə, Suriya-Suriya formatında aparılan müzakirələrdə iştirak edən nümayəndə heyətləri Suriyada son durum ilə bağlı danışıqlar aparırlar. Sabah isə bütün tərəflərin iştirakı ilə iclas keçiriləcək. 

Suriyada atəşkəsin möhkəmləndirilməsi, yaradılacaq 4 təhlükəsizlik zonasının hüdudlarının müəyyən edilməsi və Suriyada gərginliyin azaldılması məsələləri Astana-5 iclasının əsas mövzusunu təşkil edir. Təhlükəsizlik zonalarının yaradılması ilə bağlı sənədlərin də bu iclasda imzalanacağı ehtimal olunur. 

Suriyada icra edilməkdə olan hazırkı atəşkəs rejimi 31 Dekabr 2016-cı ildə İran, Rusiya və Türkiyənin vasitəçiliyi və təşəbbüskarlığı ilə formalaşıb.