SAHAR

Birləşmiş Millətlər Təşkilatının Tehrandakı nümayəndəsi Həsən Ruhanini İran İslam Respublikasının 12-ci prezidenti olması münasibəti ilə təbrik edərək bu təşkilatın İran ilə əməkdaşlıqlarını genişləndirməyə hazır olduğunu bildirib.

Geri Luis dünən gecə özünün Tvitter səhifəsinə yazıb: BMT adından prezident Həsən Ruhanini təbrik edirəm. 

BMT-nin Tehrandakı nümayəndəsi bildirib: Birləşmiş Millətlər Təşkilatı müxtəlif sahələrdə İran dövləti ilə uzun müddətli əməkdaşlıqlarını genişləndirməyə hazırdır. 

İran İslam Respublikasının 12-ci prezidenti dünən xalq, konstitusiya və inqilab rəhbəri qarşısında and içdi.

Həsən Ruhaninin andiçmə mərasimi ölkənin yüksək səviyyəli siyasi və hərbi rəsmiləri və müxtəlif ölkələr və beynəlxalq qrumlardan 100-ə yaxın heyətin iştirakı ilə dünən günortadan sonra İslami Şura Məclisində keçirildi.