SAHAR

Amerikanın müdafiə naziri xəbərdarlıq edib ki, Şimali Koreya tərəfindən raketin atılması müharibənin başlanması demək olacaqdır.

Foks-Nyus-un məlumatına görə, Amerikanın müdafiə naziri Ceyms Mettis dünən müxbirlər qarşısında deyib: Əgər Şimali Koreya Amerikaya raket atarsa, vəziyyət sürətlə müharibəyə doğru inkişaf edəcəkdir.

Şimali Koreya və ABŞ son həftədə qarşılıqlı surətdə şifahi hədələri artırıblar. Amerika prezidenti Donald Tramp son zamanlar Şimali Koreyanı hədələyərək bildiribdir ki, Vaşinqtonun "alovu və hiddəti" ilə üzləşəcəkdir.

Rəsmi Pxenyan da bu təhdidlərə reaksiyada bildiribdir ki, ABŞ-ın Quam adasındakı hərbi bazalarına dörd ədəd ballistik raketlə hücum məsələsini araşdırmaqdadır.