BMT-nin didərginlər agentliyi bir hesabatda bildirib ki, ötən iki həftədə təqribən 300 min ruhinqalı müsəlman Myanmadakı zorakılıqlardan yaxa qurtarmaq üçün Banqladeşə qaçıbdır.

BMT-nin didərginlərin məsələləri üzrə baş komissarlığı bu gün bu hesabatda həmçinin vurğulayıb: Banqladeşdə mövcud olan iki düşərgədə didərginlərə sığınacağın verilməsi üzrə məhdud imkanlar çoxdandır ki, başa çatıb və didərginlər hazırda Banqladeşin Teknaf və Uxiya məntəqələrində müvəqqəti çadırlarda məskunlaşdırılıblar.

Bu hesabatda əlavə olunur: Mühacirlərin böyük bir hissəsini acınacaqlı şəraitlə üzləşən qadınlar və uşaqlar təşkil edirlər.

Belə bir halda, Malayziya rəsmiləri bildiriblər ki, Myanma ordusunun və radikal buddistlərin qanlı hücumlarından dəniz yolu ilə qaçaraq, Malayziyanın sahil sularına daxil olan ruhinqalı müsəlmanları müvəqqəti sığınacaqlarda məskunlaşdıracaqlar.

Malayziya hazırda yüz mindən yuxarı ruhinqalı müsəlmana sığınacaq veribdir.