Pentaqon Ərəbistan tərəfindən S-400 sisteminin satın alınmasından nigarandır
ABŞ Müdafiə Nazirliyi Səudiyyə Ərəbistanı tərəfindən Rusiyadan S-400 sisteminin satın alınması ilə əlaqədar nigarançılığını dilə gətirib.
Amerika Müdafiə Nazirliyinin mətbuat katibi Mişel Baldenza cümə axşamı günü gecə deyib ki, bu ölkə Səudiyyə Ərəbistanı tərəfindən Rusiyadan S-400 sisteminin satın alınmasından nigarandır.
Ərəbistan kralı Salman bin Əbduləzizin Rusiyaya səfəri zamanı Rusiyanın S-400 hava hücumundan müdafiə sisteminin satın alınması, həmçinin onun Ərəbistanda istehsalı barədə ilkin razılaşma sənədi imzalanıb.
Bundan öncə də Türkiyə S-400 sisteminin satın alınması barədə Rusiya ilə oxşar razılaşma imzalamışdı ki, bu da Amerikanın nigarançılığına zəmin yaratmışdı.
S-400 eyni vaxtda yüz hədəfi aşkarlaya və 400 kilometr aralıda on iki hədəflə mübarizə apara bilir. Bu hədəflər təyyarələr, kruz raketleri və ballistik raketlər ola bilər.
Ərəbistan kralı Salman bin Əbduləziz dünən bir heyətlə Moskvaya səfər edib. O, Rusiya prezidenti Vladimir Putinlə görüşərək, onunla danışıqlar aparıbdır.
