SAHAR

Rusiya prezidenti dünən Şimali Koreya lideri Kim Çen Inın aqil və səriştəli bir şəxs olduğunu vurğulayıb.

Vladimir Putin Rusiya mediyasına verdiyi açıqlamasında bildirib ki, Şimali Koreya lideri bu ölkə ilə ABŞ və onun müttəfiqləri arasındakı böhranın qalibidir.

Koreya yarımadasındakı gərginlik ABŞ prezidenti Donald Trampın militarist rəftarı ilə daha da kəskinləşibdir.

Rusiya prezidenti 2016-cı il ABŞ prezident seçkiləri ilə bağlı Moskva və Vaşinqton arasında yaranmış böhrana da işarə edərək deyib: Rusiya ilə ABŞ arasında münasibətləri Moskva deyil, Vaşinqton yaxşılaşdırmalıdır.

Putin Rusiyanın ABŞ prezident seçkilərinə müdaxiləsinə dair ABŞ rəsmilərinin iddialarının mənasız və puç olduğunu bildirib.