Cənubi Koreyanın paytaxtı Seulda Pxenyan əleyhinə etiraz aksiyasında iştirak edənlər iki koreyanın vəhdət bayrağını yandırıblar.

Röyters-in bildirdiyinə görə, təqribən 1000-ə yaxın şəxs bazar günü Seulda aksiya keçirib. Bu aksiya Şimali Koreyanın rəhbəri Kim Çen İn-in son zamanlar Cənubi Koreya prezidenti Mun Ci İn-i Pxenyana səfərə dəvət etməsinin ardınca baş tutub. Qış Olimpiya Oyunlarında iştirak məqsədi ilə Cənubi Koreyaya səfər edən Şimali Koreya rəhbərinin bacısı Kim Yu Cunq Şimali Koreya rəhbərinin dəvət müraciətini Cənubi Koreya prezidentinə təqdim edib.

Cənubi və Şimali Koreya idmançıları Qış Olimpiya Oyunlarının açılış mərasimində iki koreyanın vəhdət bayrağını daşıyıblar.