SAHAR

Şotlandiyada on minlərlə əhali Britaniyadan ayrılmaq tələbi ilə aksiya keçirib.

FransPress-in verdiyi məlumata görə, Şotlandiya polisi dünən keçirilən bu aksiyada iştirakçıların sayının 35 min nəfər, aksiya təşkilatçıları isə bu rəqəmin 60 min olduğunu bildiriblər. 

Əllərində mavi bayraq yaxud ağ xaç daşıyan aksiyaçılar Şotlandiyanın ən iri şəhəri olan Qlaskoda yürüş keçiriblər. 

Şotlandiya Milli Partiyasının sədr müavini və Şotlandiyanın birinci nazirinin yaxın müttəfiqlərindən olan Kit Braun bu aksiyanın son 35 ildə misilsiz olduğunu deyib. 

2014-cü ildə keçirilən referendumda Şotlandiya əhalisinin 55 faizi Britaniya tərkibində qalmağa səs verdi. O ildən bəri hər il keçirilən istiqlal aksiyaları daha da genişlənməkdədir.