Ən son rəy sorğusuna görə, Fransızlar Trampı təhlükəli və irqçi adam hesab edirlər.

Lu Fiqaro qəzetinin yazdığına görə, "Odoksa Dentsu" müəssisəsi tərəfindən aparılan rəy sorğusuna əsasən fransızlar ABŞ prezidenti Donald Trampa nifrət edirlər. 

Bu rəy sorğusuna əsasən repsondentlərin 86%-i Trampı aqressiv, 81%-i isə irqçi və təhlükəli adam hesab edir. 

Sinqapur iclasından cəmi bir gün sonra həyata keçirilən bu rəy sorğusuna əsasən fransızların 71%-i Trampla bağlı mənfi baxışa malikdir. Respondentlərin sadəcə 8%-i ABŞ prezidenti ilə bağlı müsbət fikirə malik olub. 

Bu rəy sorğusunun nəticələri ötən ilin noyabr ayında aparılmış rəy sorğusunun nəticələri ilə müqayisədə Trampın fransızlar arasındakı imicinin daha da pisləşdiyini deməyə əsas verir. 

Həmçinin, fransızların 70%-i Sinqapur iclasının sadəcə təbliğat xarakteri daşıdığını və Asiyada sülhə səbəb olmayacağını düşünür.