SAHAR

Amerika prezidenti Brüssel iclasından öncə deyib: NATO üzvləri enerji satın almaq üçün Rusiyaya milyardlarla dollar pul verirlər və Berlin Moskvadan neft, qaz və enerji idxal edir; Almaniya Rusiyanın əsiridir.

Amerika prezidenti Donald Tramp Brüssel iclasından öncə NATO-nun baş katibi Yens Stoltenberq ilə görüşdə açıq şəkildə NATO üzvlərini tənqid edib və belə deyib: NATO-ya üzv ölkələr, o sıradan Almaniya Rusiyadan enerji satın almaq üçün milyardlarla dollar pul xərcləyir və Amerika elə həmin Rusiyanın qarşısında Avropanı qorumaq üçün milyardlarla dollar pul xərcləməlidir.

Tramp deyib: NATO-ya üzv ölkələrin müdafiə büdcəsinin artırılmasının hökmən on il müddətinə həyata keçirilməsi qərara alınmayıb; bu işi sürətlə də görmək olar.

ABŞ prezidenti əlavə edib: Almanya varlı bir ölkədir ki, enerji üçün Rusiyaya milyardlarla dollar pul verir. Bu ölkə günü sabah öz müdafiə büdcəsini artıra bilər.

Stoltenberq də Trampın tənqidlərinə cavabda belə deyib: NATO 29 ölkədən ibarət bir ittifaqdır və Rusiya neftini Almaniyaya daşıyan boru kəməri barədə əksərən fikir ayrılıqları möcuddur, amma bu fikir ayrılılarına rəğmən, bu ittifaq, üzv ölkələrin təhdidlər qarşısında daha güclü olmalarına səbəb olur.

NATO-nun baş katibi sonra deyib ki, ikinci dünya müharibəsi və soyuq müharibə NATO üzvlərini daha artıq müttəfiq edibdir.

Stoltenberq əlavə edib: Soyuq müharibə dövründə NATO üzvləri Rusiya ilə ticarət əlaqələrinə malik idilər.

Almaniya 2016-cı ildə öz neftinin təqribən qırx faizini Rusiyadan idxal edibdir ki, bu da təqribən 36 miilyon tona bərabərdir.

Amerika ilə NATO-ya üzv digər ölkələr arasındakı ixtilaflar bu təşkilatın Brüsseldə keçirilən otuzuncu sammitinə kölgə salıbdır.

NATO sammiti bu gün Brüsseldə keçiriləcək.