SAHAR

Minlərlə Şotlandiya vətəndaşı şənbə günü ABŞ prezidenti Donald Trampın ölkələrinə səfər etməsinə etiraz olaraq aksiya keçiriblər.

İRİB-nin verdiyi məlumata görə, təqribən 10 min nəfər Edinburq şəhərində küçələrə axışaraq, ABŞ prezidentinin ölkələrinə səfər etməsinə etiraz ediblər. 

Tramp həyat yoldaşı ilə birlikdə həftə sonu tətillərini Şotlandiyadakı istirahət məkanında keçirir. Bazar ertəsi günü isə Tramp Finlandiyanın paytaxtı Helsinkidə Rusiya prezidenti Vladimir Putin ilə görüşəcək. 

Şotlandiyalılar Edinburq şəhərinin mərkəzi parkında keçirilən etiraz aksiyasının sonunda "Tramp" şarını havaya buraxıbalr. 

ABŞ prezidentinin Britaniyaya səfər etməsi ilə bir vaxtda on minlərlə insan Trampın səfərinə etiraz olaraq aksiya keçirib.