Beynəlxalq Cinayət Məhkəməsi ABŞ-ın təhdidlərinə baxmayaraq, amerikalı hərbçilərini Əfqanıstandakı cinayətlərinə dair araşdırmalarını davam etdirəcəyini bildirib.

Röyters-in məlumatına görə, Hollandiyanın Haaqa şəhərində yerləşən Beynəlxalq Cinayət Məhkəməsi bu gün Ağ Evin milli təhlükəsizlik müşaviri Con Boltonun sözlərinə reaksiya olaraq bir bəyanat yayıb. Bəyanatda bildirilir ki, Beynəlxalq Cinayət Məhkəməsi Vaşinqtonun bu məhkəmənin hakimlərini sanksiyalar ilə təhdid etməsinə baxmayaraq, ABŞ hərbçilərinin Əfqanıstandakı müharibə cinayətlərini araşdıracaq. 

Bəyanatda həmçinin deyilir: Beynəlxalq Cinayət Məhkəməsi tərəddüd etmədən, qanun çərçivəsində üzərinə düşən vəzifəyə əməl edəcək. 

Con Bolton dünən Beynəlxalq Cinayət Məhkəməsini təhdid edərək, ABŞ hərbçilərinin Əfqanıstandakı cinayətlərinə dair araşdırmaları davam etdirəcəyi təqdirdə, Vaşinqtonun məhkəmə hakimlərinə qarşı sanksiyalar tətbiq edəcəyini demişdi.