Putin: Rusiyanın yeni silahları dünyada rəqibsiz olacaq
-
Putin: Rusiyanın yeni silahları dünyada rəqibsiz olacaq
Rusiya prezidenti Vladimir Putin ölkəsinin dünyada rəqibi olmayacaq yeni silahlar istehsal etməyə çalışdığını deyib.
İRİB-nin verdiyi məlumata görə, Vladimir Putin bu sözləri ABŞ prezidenti Donald Trampın Rusiya ilə orta mənzilli nüvə raketləri müqaviləsindən çıxmasını elan etməsinin ardınca deyib.
Rusiya prezidenti Trampın qısa mənzilli nüvə raketlərindən çıxmaq qərarını tənqid edərək, bunun Avropa ölkələrinin ciddi nigaranlığına səbəb olduğunu demişdi.
Putin Rusiyanın yüksək səviyyəli hərbi rəsmiləri ilə görüşdə deyib: Rusiya heç bir ölkəni təhdid etmir. Rusiya beynəlxalq təhlükəsizlik və silahlanmaya nəzarət üzrə beynəlxalq öhdəliklərinə sadiqdir.
Putin daha sonra Rusiyanın ehtimal olunan təhdidlər qarşısında öz müdafiəsini gücləndirmək üçün yeni cəbbəxanalar ilə təmin edilməsini vacib adlandırıb.
Rusiya prezidenti deyib: Rusiyanın yeni silahları xarici silahlar ilə müqayisədə gözəçarpacaq dərəcədə daha yaxşıdır.
Putin bu fikirləri NATO-nun soyuq müharibənin başa çatmasından sonra keçirdiyi ən böyük hərbi manevri ilə bir vaxtda səsləndirib.
NATO-nun Norveçdə keçirdiyi hərbi təlimlərdə 55 min hərbçi iştirak edir.
