Almaniyanın xarici işlər naziri Amerikanın "Nord Stream 2" qaz boru kəmərinə qarşı sanksiyalarını enerjinin təmini üstündə ixtilaf üçün yanlış bir yol adlandırıbdır.

Almaniyanın xarici işlər naziri Hayko Mas dünən deyib: Avropanın enerji siyasəti və enerji təmini bəhsi ilə bağlı məsələlər, Amerikada deyil, Avropada çözülməlidir.

Bu alman rəsmi deyib: "Nord Stream 2" qaz boru kəmərinə qarşı sanksiya layihəsi mütləq şəkildə düzgün yol deyildir.

Amerika prezidenti Donald Tramp enerji təmini sahəsində Rusiyaya söykəndiyi üçün açıq şəkildə Almaniyanı Moskvanın "əsiri" adlandırıb və Berlindən istəyibdir ki, Baltik dənizində qaz boru kəmərinin inşası üzrə on beş milyard dollarlıq layihədə öz həmkarlığını dayandırsın.

"Nord Stream 2" qaz boru kəməri Rusiyanın Qazprom şirkəti ilə Fransa, Avstriya, Hollandiya, İngiltərə və Almaniya şirkətləri arasında müştərək bir sərmayə yatırımıdır. Bu boru kəməri Baltik dənizindən keçib, Ukraynanı dolanaraq, Rusiya qazını Avropaya köçürəcək.

Bəzi Avropa ölkələri bu layihəni alqışlasalar da, Ukrayna, Polşa və baltikyanı ölkələr Amerikanın kənarında duraraq, onunla müxalifət ediblər.