Pakistan ordusu Hindistanın iki qırıcısını vurdu
-
Pakistan ordusu Hindistanın iki qırıcısını vurdu
Pakistanın Hava Hücumundan Müdafiə Qüvvələri Hindistan ordusunun iki ədəd qırıcısını vurdu. Bu barədə yerli mənbələr məlumat veriblər.
İRNA-nın məlumatına görə, Pakistan mediaları çərşənbə günü hərbi qaynaqlara istinadla bildiriblər ki, bu ölkənin Hava Qüvvələri Hindistan ordusunun 2 ədəd qırıcısını Pakistanın hava zonasına təcavüz etməsinin ardınca hədəfə alaraq, məhv edib.
Bu məlumata görə, vurulan təyyarələrdən birinin qalıqları Pakistan ərazisinə düşüb. Digər qırıcı isə Hindistanın nəzarəti altında olan Kəşmir məntəqəsinə süqut edib.
Hindistan ordusunun Pakistan tərəfindən vurularaq, Kəşmirə süqut edən qırıcısının pilotları həlak olublar. Pakistan ordusunun sözçüsü Asif Qafur dedi: Pakistanın Hava Qüvvələri Hindistanın 2 qırıcısını Pakistan ərazisinə təcavüz etdikdən sonra hədəfə alıb. Onlardan biri Pakistan ərazisinə, digəri isə Hindistan ərazisinə süqut edib.
Asif Qafur həmçinin dedi: Pakistan ordusu pilotlardan birini həbs edib.
