Şimali Atlantika Müqaviləsi Təşkilatı NATO-nun Londonda keçiriləcək illik iclası ərəfəsində anti-müharibə və nüvə silahlarının məhv edilməsi uğrunda mübarizə aparan fəallardan ibarət bir qrup "Yeni ümumdünya balans pozuntusu" adlı konfransda NATO-nun buraxılmasına çağırıb.

İRNA-nın verdiyi məlumata görə, bu konfransın iştirakçıları NATO-nu militarist və irqçi təşkilat adlandırıblar. 

Konfransın natiqləri həmçinin Britaniyanın mühafizəkar hökumətini islamofobiyada ittiham ediblər. 

Konfransın sonunda NATO və müharibəyə qarşı mübarizələrin davam etdiriləcəyi vurğulanıb. 

Həmçinin anti-müharibə fəallarının ABŞ prezidenti Donald Trampın Londona səfərinə etiraz əlaməti olaraq çərşənbə axşamı günü yürüş keçirəcəkləri qərara alınıb. 

NATO-nun illik sammiti dekabrın 3-4-də Londonda keçiriləcək.