Braziliyada sutka ərzində minə yaxın ölüm qeydə alınıb

May 24, 2020 07:17 Asia/Baku

Braziliyada koronavirusdan ölüm hallarının sayı son sutka ərzində 965 olmaqla 22 013-ə yüksəlib.

SəhərAzəri - Trend-in "TASS"a istinadən verdiyi məlumata görə, bu barədə ölkənin Səhiyyə Nazirliyindən bildiriblər.

Ölkədə virusdan ölüm faizi 6,3 təşkil edir. Ümumilikdə yoluxanların sayı son sutkada 16,5 olmaqla 330 890 nəfərə çatıb.

Qeyd edilir ki, ən çox yoluxma və ölüm halları Braziliyanın San-Paulu (80,5 min və 6 min), Seara (35 112 və 2 308) və Rio-de-Janeyro (34 533 və 3 905) ştatlarında qeydə alınıb.

İlk dəfə COVİD-19 virusu infeksiyasının ölkədə keçirilən karnavaldan bir gün sonra fevralın 26-da təsdiqləndiyi Braziliya, dünyada koronavirusa yoluxanların sayına görə ABŞ-dan sonra ikinci yerdədir.