Almaniyanın paytaxtı Berlində 4 naməlum şəxs “Karstadt” ticarət mərkəzində yerləşən bank filialına hücum edib.

SəhərAzəri yerli mediaya istinadla xəbər verir, hadisə nəticəsində ən azı 11 nəfər yaralanıb.

“Kroyçberq rayonunda xeyli xəsarət alan var. Biz Hermanplasdakı Xazelhayd ticarət kompleksindəyik”, - xilasetmə xidmətinin məlumatında deyilib.

Məlumata görə, “Hermanplas” və “Karl Marks Strasse” metrostansiyaları bağlanıb.

Hazırda polis gizlənən cinayətkarları axtarır.

Qeyd edək ki, hadisə şahidləri həmin şəxslərin hücum zamanı gözyaşardıcı qazdan istifadə etdiyini bildirir.