BMT-nin baş katibi Liviyada atəşkəsin elan edilməsinin ardınca münaqişə tərəflərindən ixtilafları siyasi yolla həll etmələrini istəyib.

Səhər Azəri bildirir ki, BMT-nin baş katibi Antonio Quterreş Liviyada münaqişə tərəflərindən ixtilafları siyasi yolla həll etmələrini istəyib. 

Quterreşin sözçüsü Stefan Ducariç bir bəyanat yayaraq, bildirib: BMT-nin baş katibi Liviyadakı silahlı qruplaşmaların elan olunmuş atəşkəsə bağlı qalacaqlarına və ixtilafları konstruktiv siyasi yollarla həll edəcəklərinə ümidvardır. 

Liviyanın Milli Birlik Hökuməti və parlamenti ayrı-ayrılıqda bəyanatlar yayaraq, atəşkəs elan edib və BMT-nin nəzarəti altında yeni rəyasət şurasının təşkil olunmasını istəyiblər.