Tramp ictimai bazasını sürətlə itirir
Amerikalılar arasında Trampla bağlı narazılıqlar artır
Amerikada artan ictimai narazılıqlar fonunda prezident Donald Trampın reytinqi sürətlə azalmağa başlayıb.
Səhər Azəri bildirir ki, son rəy sorğuları ABŞ vətəndaşları arasında bu ölkə prezidenti Donald Trampla bağlı narazılıqların artmasından xəbər verir. İnsanları narahat edən başlıca məsələlərdən biri Trampın koronavirusla mübarizə istiqamətində ciddi addım atmamasıdır.
"Fars" xəbər agentliyinin məlumatına görə, "ABC News" və "İpsus" institutunun birgə apardığı rəy sorğuları göstərir ki, respondentlərin 65 faizi Donald Trampın koronavirusu idarəetmə üsulundan narazıdırlar və təkcə 35 faiz Trampın koronavirusla mübarizədəki fəaliyyətindən məmnunluq ifadə ediblər.
Həmçinin, bu rəy sorğusu ABŞ vətəndaşlarının əksəriyyətinin Donald Trampın koronaviru pandemiyası ilə bağlı sözlərinə inanmadığını göstərir.
ABŞ hökumət və özəlliklə bu ölkə prezidenti Donald Tramp koronavirus qarşısında məsuliyyətsiz davrandığı üçün bu ölkə daxilində kəskin şəkildə tənqid olunurlar.
ABŞ hələ də koronavirusa yoluxma və bu virusdan ölüm hallarına görə, dünyada birincidir.
