Çində beynəlxalq «İpək Yolu» film festivalı keçirilir
Çində beynəlxalq «Yeni İpək Yolu» film festivalı başlanıb.
SəhərAzəri xəbər verir, Çinin şimal-qərbində yerləşən Şansi əyalətinin mərkəzi olan Tayyuan şəhərində bu ölkədən və dünyanın müxtəlif ölkələrindən gəlmiş kinematoqrafların üç min 500 əsərinin iştirakı ilə keçirilən 7-ci «Yeni İpək Yolu» film festivalı oktyabrın 16-dək davam edəcək.
Bu festivalda filmlər səhiyyə protokollarına riayət edilməklə açıq mühitdə və kino-teatrlarda pulsuz şəkildə hamı üçün nümayiş etdirilir.
Filmlər «İpək Yolu dünyanı bir-birinə qovuşdurur» və «Film mədəniyyətləri bir-birilə əlaqələndirir» kimi mövzularda işlənibdir.
«Yeni İpək Yolu» layihəsi/ «bir qurşaq-bir yol» kimi, dünyanın müxtəlif ölkələrini təmsil edən iqtisadi infrastrukturlarda bir investisiya layihəsidir. Bu layihə Çin prezidenti Si Tsin Pin tərəfindən 2013-cü ildə irəli sürülüb və bir trilyon dollardan yuxarı sərmayə yatırımı ilə başlanıbdır.
Hazırda 123-dən çox ölkə və 29 beynəlxalq təşkilat Çinlə əməkdaşlıq müqaviləsi imzalayıbdır.
