Berlində kütləvi aksiyalar: 29 polis yaralandı
Apr 23, 2021 07:07 Asia/Baku
Berlində koronavirusla bağlı karantin tədbirlərinə qarşı keçirilən etiraz aksiyaları nəticəsində 29 polis xəsarət alıb.
SəhərAzəri xəbər verir ki, bu barədə Berlin polisi məlumat yayıb.
Məlumata görə, aksiyalar nəticəsində 231 nəfər saxlanılıb. Saxlanılanların 173-ü kişi, 58-i isə qadın olub.
Qeyd edək ki, bu gün Berlində iki aksiya keçirilib. İlk aksiya səhər saatlarında Bundestaqın yaxınlığındakı 17 iyun küçəsində baş tutub. Aksiyada 10 minə yaxın şəxs iştirak edib.
Yerli vaxtla saat 16:00-da (Bakı vaxtı ilə saat 18:00) isə Almaniya prezidentinin iqamətgahı qarşısında ikinci aksiya baş tutub.
