İngiltərənin paytaxtında ətraf mühit fəallarının iflicedici etirazları davam edir
Sen 29, 2021 23:40 Asia/Baku
Ətraf mühit fəalları, iqlim dəyişikliyinə etiraz olaraq, İngiltərənin paytaxtı Londonun ən işlək qovşağının birində aksiya keçiriblər.
SəhərAzəri-nin məlumatına əsasən, "Britaniyanı izolyasiya edin" adı ilə tanınan qrupun ətraf mühit fəalları son iki həftədə 7-ci dəfə olaraq, iqlim dəyişikliyinə etiraz etmək məqsədilə bu gün səhər saatlarında İngiltərənin paytaxtı Londonun M-25 magistral yolunun çıxışını bağlayıblar.
Etirazçılar əllərində, üzərinə iqlim böhranına diqqət yetirməyin vacibliyi ilə bağlı şüarlar yazılmış plakatlar daşıyıblar.
"Britaniyanı izolyasiya edin" adlı qrup məhv olmağa qarşı olan qiyamçı qrupun qanadlarından biridir ki, ətraf mühitin vəziyyətinə dərhal diqqət yetirməyi tələb edirlər.
