Ukrayna müharibəsi yeni fazaya daxil olur?
Putin qərb muzdluları qarşılığında Qərbi Asiyadan könüllülərin Ukraynada döyüşlərə cəlb edilməsinə razılıq verib
SəhərAzəri-nin məlumatına əsasən,Rusiya Federasiyası Təhlükəsizlik Şurasının iclasında çıxış edən Putin Ukraynanın qərbli sponsorlarının münaqişədə iştirak üçün muzdlu toplamasına diqqət çəkib:
“Qərb sponsorları” münaqişədə iştirak etmək üçün muzdlular topladığını gizlətmirlər – “onlar bunu beynəlxalq hüququn bütün normalarına məhəl qoymadan açıq şəkildə edirlər”, - Rusiya Prezidenti vurğulayıb.
Rusiyanın müdafiə naziri Sergey Şoyqu isə məruzə ilə çıxı edərək Qərbi Asiyadan 16 mindən çox könüllünün döyüşlərə qatılmaq istədiyini söyləyib.
Putin könüllülərin döyüş əməliyyatı keçirilən yerə çatdırılmasına dəstək olacaqlarını əlavə edib.
Şoyqu Ukraynanın ələ keçirilən hərbi qənimətlərinin Donetsk və Luqanskdakı Rusiya tərəfdarlarına verilməsini təklif edib. Putin həmin təklifə razılıq verib.
