Boris Conson:
“Qərbi çətin günlər gözləyir"
Britaniyanın Baş naziri Boris Conson Rusiyanın enerji daşıyıcılarından imtina edəcəyi ilə bağlı Qərbin çətin vəziyyətindən danışıb. Bu barədə “Daily Telegraph” məlumat yayıb.
SəhərAzəri-nin məlumatına əsasən, Conson Rusiyaya qarşı sanksiyalardan bütün dünyanın təsir alacağını bildirib: "Qarşıda çətin zaman olacaq. Rusiyanın neft və qazından, bütövlükdə karbohidrogenlərindən imtina dünya üçün ağır olacaqdır", - deyə Britaniyanın baş naziri bildirib.
O, Qərbin Moskva ilə münasibətlərini normallaşdırmağı və Rusiyadan enerji daşıyıcılarının tədarükünü artırmağa başlamasını səhv adlandırıb.
ABŞ-ın Rusiya neft məhsullarının idxalına qadağası təkcə sıravi amerikalılara deyil, avropalılara da zərbə vurub. Avropa İttifaqının bir çox ölkəsində benzin bir litr üçün 2 avroya təklif olunur.
