Qərbin Ukrayna üzərindən Rusiya ilə müharibəsi
Britaniya Ukraynanı silahlandırmaqda davam edir
Britaniya Ukraynaya 500 milyon dollar kredit, həmçinin 120 zirehli texnika və gəmi əleyhinə raketlər verəcək. Bu barədə razılıq Britaniyanın baş naziri Boris Consonun aprelin 9-da Kiyevə səfəri zamanı əldə olunub.
SəhərAzəri-nin məlumatına əsasən,Britaniya hökumətinin mətbuat xidməti bildirib ki, bu, bir gün əvvəl Kiyevə verildiyi Starstreak hava hücumundan müdafiə sistemlərinə, 800 tank əleyhinə idarə olunan raketlərə və idarə olunan mərmilərə əlavədir.
Martın sonunda Conson Ukraynaya 6000 tank əleyhinə raket, 4000 Javelin və NLAW tank əleyhinə sistemlərin verildiyini elan etdi.
Öz növbəsində, Slovakiya hakimiyyəti Kiyevə 155 millimetr kalibrli 16 ədəd Zuzana özüyeriyən artilleriya qurğusunu təhvil verəcəklərini açıqlayıb.
Rəsmi Moskva Amerika başda olmaqla NATO üzvləri və qərb dövlətlərini Ukrayna üzərindən Rusiyaya qarşı müharibə aparmaqda ittiham edir.
